Basi  la kubebea  Wanafunzi  la shule ya King Davidi iliyopo Manispaa ya mtwara Mikindani limepata ajali asubuhi hii likiwa limebeba Wanafunzi

Mashuhuda wa ajali hiyo tayari wameanza kuwatoa nje Watoto waliokuwemo ndani ya gari hilo aina ya hiace ambalo limetumbukia mtaroni ambapo picha nyingine ambazo sijaziweka hapa zinaonesha Watoto wakiwa wamelazwa barabarani baada ya kutolewa kwenye gari.

Kwa mujibu wa taarifa kutoka kwa Kamanda wa Polisi Mtwara Nicodemus Katembo amesema kuwa Kwenye ajali hiyo taarifa zinaeleza kuwa watu waliofariki ni 10 ambapo Wanafunzi 8, dereva 1 na Muangalizi 1 huku majeruhi wakiwa 19.