YANGA imekamilisha usajili wa mshambuliaji kutoka Asec Mimosas, Stephano Ki Aziz wakati huo huo taarifa za ndani ya klabu hiyo zinaeleza imekamilisha usajili wa Benard Morrison kutoka Simba.

Morrison atachelewa kutambulishwa kutokana na mkataba wake na Simba kumalizika Agosti 30, mwaka huu, siku chache kabla ya msimu ujao kuanza wakati huo hadi mechi ya Ngao ya Hisani itakuwa imechezwa.

Taarifa kutoka ndani ya Simba zinaeleza Morrison ametuma maombi kwa njia mbalimbali, ujumbe mfupi wa maneno wa simu, barua pepe, kupiga simu na kuzungumza na viongozi wa juu ili wampe barua inayoonyesha yupo huru.

Morrison amewaomba mabosi wake ambao hivi karibuni walimtakia kila la heri kwenda kutatua matatizo ya kifamilia kumpatia barua hiyo akieleza kwamba kuna timu kutoka nchi mbalimbali zinamtaka.

Tue, Oct 2023

Mashabiki wauawa, Mechi yaahirishwa Mchezo wa kufuzu #Euro2024 kati ya wenyeji Ubelgiji na Sweden umeshindwa kuendel...

Sat, Jul 2024

Katazo wanamichezo wanawake kuvaa hijabu lazua mijadala Ikiwa zimebaki siku chache kuanza kwa michuano ya Olimpiki nchini Ufaransa, uamu...

Mon, Nov 2022

Waigizaji wawili maarufu nchini Iran wakamatwa kwa kupinga kuvaa hijab Waigizaji wawili mashuhuri wa Iran wamekamatwa kwa kuunga mkono hadharani maanda...

Kiongozi mmoja wa Simba alisema Morrison amewafuata na kuwaeleza amepata ofa kutoka timu kama Raja Casablanca ya Morocco na Qatar.

“Baada ya kutueleza timu zinazotaka kumsajili akatuomba tumpatie ‘release latter’ ili akamalizane nao na kuanza maisha mapya huko. Tumemjibu hizo timu zinazomtaka zitutumie barua rasmi ya kuonyesha nia hiyo nasi tutakuwa tayari kuwapatia,” alisema kiongozi huyo.

Imeandaliwa na Thobias Sebastian, Mwanaspoti