Inasemekana kuwa chanzo kikubwa cha magonjwa ya mabusha ni vimelea vya minyoo jamii ya filaria, ambavyo vinaingia kwenye damu na vinaweza kusababisha maji kujikusanya sehemu za korodani. Dhana ya kuwa maji ya madafu ni chanzo cha magonjwa hayo ya mabusha, lakini mganga mkuu mkoa wa Dar es Salaam, Dkt. Rashid Mfaume, anasema hakuna ushahidi wa kisayansi kuhusiana na jambo hilo. Anasema “Awali utafiti ulionesha mbu aina ya Culex ndio wanaosambaza minyoo husika, baadaye wataalamu wakabaini mbu wa aina zote wanaweza kusambaza vimelea hivyo, ndio maana tunasisitiza kuzuia mbu kwa kusafisha mazingira na kulala katika sehemu yenye chandarua.”