Kila binadamu ana siri zake ambazo hapendi watu wengine wazifahamu, lakini kumekuwa na baadhi ya watu waliogeuka kero kwenye usafiri wa umma (daladala) kwa kuwa na tabia ya kusoma sms za abiria wengine.

Mara nyingi tabia hii imekuwa ikifanywa na baadhi ya abiria wanaokua wamesimama kwenye daladala kwa kukosa 'siti', uhalisia tabia hiyo inakera na kumnyima raha mtu anayesomewa sms zake, tena wakati mwingine humlazimu mtu kutumia mbinu mbalimbali kwa ajili ya kuficha sms zake.

Wapo baadhi ambao hutumia mbinu kama kupunguza mwanga wa simu,au kuweka maandishi madogo ili sms zao zisionekane.