Mahakama kuu nchini Rwanda mjini Kigali imemuhukumu aliyekuwa waziri wa utamaduni nchini humo, kifungo cha miaka mitano jela kwa madai ya rushwa.

Rais Paul Kagame alimfukuza kazi Edouard Bamporiki mnamo mwezi Mei mwaka jana kabla ya waendesha mashtaka kutangaza kufanya uchunguzi juu yake kuhusu matumizi mabaya ya madaraka na kutaka rushwa kutoka kwa mfanyabiashara wa eneo hilo.

Bw Bamporiki alikiri mashtaka hayo kwenye Twitter na kumuomba rais amsamehe, lakini mnamo Septemba mahakama ya awali ilimhukumu kifungo cha miaka minne, ambapo alikata rufaa.

Akisoma uamuzi wa mahakama siku ya Jumatatu jioni, hakimu alisema, "haki inahitaji kutolewa ili kuonesha mfano", kwa afisa huyo ambaye amekuwa chini ya kizuizi cha nyumbani tangu afukuzwe kazi.

Bamporiki mwenye umri wa miaka 39, mshairi na mtayarishaji filamu ambaye alipanda vyeo haraka sana kupitia chama tawala, anakabiliwa na kesi ya nadra sana kwa maafisa wakuu kuhukumiwa kwa ufisadi nchini Rwanda.

Thu, Sep 2022

Helikopta yaua watu 22 Congo Takribani watu 22 wameuwawa wakati helikopta mbili za jeshi la Uganda zilipoangu...

Thu, Nov 2022

Tafiti zinasema homa ya Nyani husambaa kabla ya dalili kujitokeza Tafiti zinaonyesha watu wenye maambukizi ya homa ya nyani wanaweza kuwaambukiza ...

Mon, Aug 2022

BREAKING NEWS: Mzee Korongo afariki dunia Kwa taarifa zilizo tufikia hivi punde ni muigizaji mkongwe wa bongo movie Hamisi...

Wakili wake, Evode Kayitana, aliiambia BBC kwamba wanaweza kukata rufaa "ikiwa tutaonyesha ukosefu wa haki katika kesi", akiongeza kuwa bado hawajaamua kufanya hilo.

Chanzo BBC