Waziri wa Mambo ya Ndani wa Uingereza Suella Braverman amesema watu wanaoingia Uingereza kupitia njia zisizo halali wasiruhusiwe kuomba hifadhi nchini humo.

Braverman ameapa kuendelea na mpango wenye utata wa kuwapeleka nchini Rwanda watu wanaoomba hifadhi. Hata hivyo amesema kutokana na changamoto za kisheria kuhusu sera hiyo hakuna mtu atakayepelekwa Rwanda mwaka huu.

Kulingana na mpango huo uliosainiwa mwezi Aprili, Uingereza inapanga kuwapeleka Rwanda baadhi ya wahamiaji wanaowasili nchini humo kwa kutumia boti ndogo ambako mchakato wa maombi yao ya hifadhi utashughulikiwa.

Akizungumza jana kwenye mkutano wa mwaka wa chama tawala cha Kihafidhi, Braverman amesema wale watakaopatiwa hifadhi watabaki kwenye taifa hilo la Afrika Mashariki, kuliko kurejea Uingereza.

Aidha makundi ya kutetea haki za biaadamu yamesema mpango huo hauwezekani na ni unyama kuwapeleka watu maelfu ya maili mbali kwenye nchi wasiyotaka kuishi.

Tue, Sep 2022

Guinea ya ikweta yapiga marufuku hukumu ya kifo Guinea ya Ikweta Afrika ya kati imepiga marufuku hukumu ya kifo na taarifa hiyo ...

Thu, Feb 2024

Messi akabidhi tuzo ya Ballon D or kwenye makumbusho ya Barcelona Mchezaji wa ‘timu’ ya Taifa ya Argentina Lionel Messi ameonesha kuwa...

Tue, Aug 2021

Mummy Huki na Biashara ya Urembo Na Aisha Lungato Katika maisha kuna kile kitu ambacho binadamu hukipendelea zaid...

Chanzo DW