‘Sumu ya penzi ukishailamba hata kwa maziwa huwezi kupona, siyo kama mimi nakukataa ila moyo wangu unasita, wazazi wangu watanishang’aa nyumbani wewe ulishatoroka.’

Hii ni sehemu ya mashairi yenye hisia za kutosha kutoka kwenye Ngoma ya Sumu ya Penzi ya msanii Abednego Damian maarufu kama Belle 9.

Ni zaidi ya miaka 11 iliyopita tangu ngoma hii itoke, lakini bado melodi na midundo yake inasikika. Ni miongoni mwa ngoma za zamani (TBT) za Bongo Fleva zinazosikilizwa zaidi kwenye mitandao ya kijamii.

Hiyo ni kutoka kwa mwanamuziki mkali wa RnB Bongo Belle 9 kufanya vema na kupangilia mashairi katika ngoma hiyo.

Kwa kuweka kumbukumbu sawa, Belle 9 aliweza kutoka kimuziki mwaka 2009 akitokea Mji Kasoro Bahari, Morogoro pale Mtaa wa Mafinga.

Belle 9 alitoka na Sumu ya Mapenzi kisha Masogange ambazo zilimtambulisha vizuri kwenye medani ya Bongo Fleva.

Sun, Apr 2024

Gardner Habash kuzikwa jumanne Rombo Mwili wa aliyekuwa mtangazaji wa kituo cha redio cha Clouds FM, Gardner Habash u...

Tue, Jun 2023

Aswekwa jela kwa udanganyifu wa cheti Kumekuwa na wimbi kubwa la watu kutumia vyeti visivyo vya kwao kwa kupata ajira ...

Fri, Aug 2024

Diddy anamchango wake kwenye mtandao wa X Mkali wa Hip-hop Marekani Diddy ametajwa kuwa ni mmoja wa wawekezaji waliomsaidi...

Baada ya Sumu ya Penzi na Masogange, Belle 9 alikiwasha kinoma na ngoma nyingine kama Wewe ni Wangu, Nilipe Nisepe, Umenitupa, Ladha ya Mapenzi, House Boy, Wanitaka, Burger Movie Selfie, Umefanana Naye, Vitamin Music, Wewe Nami, Listen, Shauri Zao, Amerudi na nyingine kibao (ni zaidi ya 50).

Leo ndani ya jarida letu amekuwa TBT wa wiki kupitia ngoma yake hiyo ya Sumu ya Penzi. Tunakupenda Belle 9 na tunatamani kusikia ngoma yako nyingine mpya kwa mwaka huu.