Baada ya mtoto wa Kim Kardashian, North West kushambuliwa kupitia mitandao ya kijamii akifananishwa na kifaranga kupitia vazi lake la manyoa, sasa ni zamu ya mama yake kuzodolewa mitandaoni baada ya kuiga vazi hilo.

Mfanyabiashara huyo anayemiliki chapa ya SKIMS alishare picha akiwa ameiga vazi la mwanaye North alilolivaa katika tamasha la ‘The Lion King’ ambapo mashabiki waliibuka upande wa ‘komenti’ na kumrushia maneno kwa kudai kuwa aacha kumuiga mtoto wake na atafute ubunifu wake.

Aidha baadhi ya mashabiki pia walikasirishwa na picha hizo wakiamini kwamba Kim alikuwa mbinafsi, ambapo mmoja wa wadau aliandika ‘Hukuweza kumruhusu binti yako apate muda ilibidi uivae pia’.

Kumbuka kuwa North West ni mtoto wa Kim Kardashian na aliyekuwa mumewe Kanye West.