Unafahamu kuwa mfanyabiashara na mwanamitandao Zari the Boss Lady, awali alikuwa mwanamuziki?

Zari aliingia kwenye muziki mwaka 2007 ambapo alirekodi wimbo wake wa kwanza uitwao 'Oliwange' ukiwa na maana ‘Wewe ni Wangu’. Wimbo huo ulitajwa kuwania tuzo za ‘Channel O’ za Afrika katika kipengele cha Video Bora ya Afrika Mashariki.

Asiyekubali kushindwa si mshindani, hakufanikiwa kuondoka na tuzo hiyo. Hata hivyo baada ya kujiona hafanyi vizuri katika fani hiyo aliamua kuwekeza nguvu katika biashara na masuala ya kimtandao ambayo yamekuwa yakimpatia mafanikio makubwa.

Aidha nyimbo nyingine ambazo msanii huyo amewahi kuziachia ni pamoja na Jukila, Hotter Than Them na Kangume.

Utakumbuka Zari na Diamond Platnumz walianzisha uhusiano wa kimapenzi mwaka 2014 na kutengana mwaka 2018 huku wakijaaliwa kupata watoto wawili ambao ni Princess Tiffah na Prince Nillan. Licha ya kutengana kwao wawili hao mara kwa mara wameonekana pamoja wakiwa na watoto wao.