Muongozaji video, Erick Mzava amekanusha madai ya kumtapeli mwanamuzi Kayumba akisema amesharudisha sehemu ya fedha kiasi cha Shilingi 7 milioni ambazo alipewa kwa ajili ya kutengeneza video ya wimbo 'Shake' wa msanii huyo, iliyotoka Februari mwaka jana.

Hivi karibuni, Kayumba aliibua madai kuwa Mzava na mwanamuziki Rayvanny wamemtapeli kiasi hicho cha fedha ambacho alitoa kama malipo ya kufanyiwa kazi ya kuandaa video ya wimbo huo ulio katika albam yake ya 'Fine Tape'.

Mzava aliiambia Mwananchi kwa njia ya simu kuwa sakata hilo lilianza baada ya kazi waliyopanga kuifanya kushindwa kufanyika lakini tayari kuna kiasi cha fedha alisharudisha kwa Kayumba.

“Sikugoma kumpatia fedha hizo wala sikumwambia kuwa sitompatia kwani tayari nilishampatia milioni 5 ilibaki ni milioni mbili tu. Angenifuata au kunipigia simu tungezungumza na tungeyamaliza na siyo kwenda moja kwa moja kwenye mitandao ya kijamii, watu tunalipa kodi hadi Sh 8 milioni kwa mwezi nisingeshindwa kumpatia pesa yake,” amesema Mzava

Wed, Feb 2024

Kago awachimba biti wanaotumia msemo wake, Afunguka bifu lake na mavokali Naam, tumekutana tena katika jarida letu pendwa la Mwananchi Scoop kwenye segmen...

Fri, Jun 2024

Travis Scott aachiwa huru kwa dhamana Mwanamuziki Travis Scott ameripotiwa kuachiwa huru kwa dhamana, baada ya kukamat...

Fri, Aug 2023

Sam Asghari athibitisha kuvunjika kwa ndoa yake Baada ya kuzuka tetesi kuhusiana na ndoa ya muigizani na mwanamitindo Sam Asghar...

Hata hivyo Mzava ameongezea kwa kueleza kuwa wasanii na mashabiki wapunguze chuki na wazidishe upendo ili kuendelea kusaidiana katika mambo mengine.

Mwananchi imefanya juhudi za kumtafuta Kayumba lakini hajapatikana. Endelea kufuatilia website yetu kwa taarifa zaidi kuhusu tukio hili.
.
.
.
#MwananchiScoop
#BurudikaNasi