Kinda wa Uturuki Arda Guler amevunja rekodi ya Cristiano Ronaldo ya kuwa mchezaji mwenye umri mdogo zaidi kufunga bao kwenye ‘mechi’ yake ya kwanza kwenye mikikikimikiki ya ubingwa wa Ulaya.

Guler, akiwa na umri wa miaka 19 na siku 114, alifunga bao matata kabisa wakati Uturuki kushinda 3-1 dhidi ya Georgia katika mchezo wao wa kwanza wa makundi katika fainali za Euro 2024.

Miongo miwili iliyopita, Ronaldo aliweka rekodi hiyo ya kufunga bao kwenye michuano ya Ulaya akiwa na umri mdogo, wakati alipoifungia Ureno bao la kujifariji kwenye mechi ya kichapo cha mabao 2-1 dhidi ya Ugiriki.

Ronaldo wakati anafunga bao hilo, alikuwa mkubwa kumzidi Guler kwa siku 14. Guler, anayekipiga kwenye kikosi cha Real Madrid anafahamika kama ‘Messi wa Uturuki’. Alifunga bao lake kwa shuti la mita 25 kuifanya Uturuki kuongoza 2-1 baada ya Georgia kusawazisha kwenye kipindi cha kwanza katika mchezo huo uliofanyika Dortmund.

Guler hakuchezeshwa sana huko Real Madrid msimu uliopita, lakini alifunga mabao sita katika mechi 12 alizopewa nafasi tangu alipotua kwenye timu hiyo akitokea Fenerbahce kwa ada ya Pauni 25 milioni.

Sat, Jan 2024

Maisha ya msoto ya Denzel, aliwahi kukosa hadi sh200 ya kula Mwalimu wa mazoezi Godfrey Mkinga maarufu (Denzel) amesimulia maisha ya msoto al...

Tue, Apr 2023

Wema: Naahidi kusimama nao Ni siku chache tuu tangu star wa bongo movie Wema Sepetu kuweka ahadi ya   ...

Sat, Mar 2024

Ngannou apigwa kwa K.O, Joshua amtaka asiache ngumi Bondia maarufu kutoka nchini Cameroon Francis Ngannou amechapwa na Anthony Joshu...

Ronaldo, ambaye alitimiza umri wa miaka 39, Februari mwaka huu, hakujali kwa Guler kuvunja rekodi yake hiyo baada ya yeye kuandika nyingine kwa kuwa mchezaji wa kwanza kucheza kwenye fainali sita tofauti za Euro.

Ronaldo alisema: “Wala sifahamu ni miaka mingapi nimebakiza kwenye soka. Imekuwa zawadi kubwa kwangu kucheza kila mwaka baada ya kutimiza miaka 35. Sasa nina miaka 39 na ninachofanya ni kufurahia tu mpira.”
.
.
.
#MwananchiScoop
#BurudikaNasi