Msanii wa muziki wa kizazi kipya nchini, Nasibu Abdul maarufu kama Diamond Platnumz ameweka rekodi nyingine baada ya kuwa msanii wa kwanza kutoka Tanzania kutumbuiza katika jukwaa la mfululizo wa vipindi Global Spin vinavyoandaliwa na waandaji wa tuzo za Grammy.

Onesho lake limeoneshwa usiku wa Februari 7, 2022 kupitia mitandao rasmi ya Grammy ambapo Diamond aliimba wimbo wake mpya unaoitwa Gidi pamoja na bendi na wanamitindo ambao kwa pamoja walinogesha onesho hilo.

Kwa onesho lake hilo Diamond anakuwa si tu msanii pekee kutoka Tanzania kupewa heshima hiyo bali ni kwa Afrika Mashariki yote.

Bosi huyo wa lebo ya WCB hajawahi kupata uteuzi wa Grammy lakini kutokana onesho hilo alilofanya ni wazi kuwa ni njia nzuri ya kuweza kuwakilisha nchi katika tuzo zijazo za 64 za kila mwaka za Grammy.

Maonesho haya ya Global Spin, yalizinduliwa mwaka 2021 ambapo huangazia na kushirikisha wasanii kutoka pande zote ulimwenguni.

Kila kipindi kinachorushwa huusisha onesho kutoka kwa msanii au kikundi maarufu kusheherekea ubunifu na nchi zao.

Mon, Aug 2022

Akimbia kilomita 90 kumchumbia mpenzi wake Ukisikia mapenzi upofuu ndo haya sasa yaliyomkuta kijana mmoja kutoka nchini Afr...

Thu, Aug 2023

Bibi wa miaka 84 aliyechagua rangi ya kijani kuendesha maisha yake Imekuwa jambo la kawaida kwa wanawake na mabinti kuvutiwa na rangi ya ‘Pin...

Mon, May 2024

Madonna aweka rekodi kufanya show mbele ya mashabiki milioni 1.6 Mkongwe wa muziki wa Pop, nchini Marekani Madonna ameweka rekodi kwa kuandaa tam...

Mfululizo wa kipindi hicho hurushwa kila inapofika siku ya jumanne na ni mara moja kwa wiki kupitia mitandao rasmi ya Grammy ambayo ni YouTube, Facebook, Instagram, na Twitter.                    

Global Spin inalenga kuwaweka mashabiki wa muziki duniani pamoja kwa njia ya kusisimua zaidi.