Mwanamuziki kutoka nchini Marekani Beyonce tayari amefichua jina la album yake mpya ambayo inatarajiwa kuachiwa mwishoni mwa mwezi huu aliyoipa jina la ‘Cowboy Carter’.

Beyonce ameweka wazi taarifa hiyo kupitia tovuti yake rasmi na mtandao wake wa Instagram. Hii itakuwa albamu ya nane kwa Queen Bey pia ni mwendelezo wa albamu ya Renaissance (Act I) ya mwaka 2022.

Kwa mujibu ya maelezo ya Beyonce wakati ametoa albumu ya Renaissance aliweka wazi kuwa albumu hiyo itakuwa na sehemu tatu hivyo basi (Act II: Cowboy Carter) ni sehemu ya pili ya Renaissance.