Kwa mujibu wa kanuni za mashindano ya African Football league (AFL) kuelekea mchezo wa kesho kati ya Al Ahly dhidi ya Simba lile bao la ugenini lipo.

Kanuni ya 15 kifungu kidogo cha tatu kimeondoa sintofahamu hiyo ikiweka wazi kwamba kwa ‘mechi’ za hatua ya robo fainali, nusu fainali ‘timu’ itakayokuwa na idadi kubwa ya mabao ya ugenini itafuzu hatua inayofuata.

Kanuni hiyo hiyo kipengele kinachofuata ikaeleza kuwa bao hilo la ugenini linatumika mpaka kwenye mchezo wa fainali ambapo timu yenye mabao mengi baada ya mechi ya pili itachukua ubingwa.

Kwa upande wa kanuni ya 16 kipengele cha kwanza nacho kimeeleza kuwa kuanzia hatua ya robo fainali endapo timu zote zitalingana kwa mabao ya kufunga na yale ya ugenini ‘mechi’ hiyo itaamuliwa kwa mikwaju ya ‘penati’.

Thu, Oct 2021

Marioo kuja na tour Mambo vipi natumai mko poua kabisa leo bwana katika gumzo mitandaoni kumetaradad...

Sun, May 2024

Video za ukatili zafanya Lebron afute urafiki na Diddy Mcheza mpira wa kikapu wa NBA Lebron James amefuta urafiki na Diddy kwenye mtand...

Tue, Apr 2023

Wema: Naahidi kusimama nao Ni siku chache tuu tangu star wa bongo movie Wema Sepetu kuweka ahadi ya   ...

Ufafanuzi huo unaifanya Simba kesho kuendelea kuupigania ushindi kwenye mchezo huo wa ugenini au sare ya mabao 3-3 na zaidi ili iweze kutinga hatua ya nusu ‘fainali’.

Simba ilipata ‘sare’ ya mabao 2-2 hapa nyumbani Uwanja wa Benjamin Mkapa dhidi ya Ahly ambao ni mabingwa wa Afrika na kesho saa 11 jioni ‘timu’ hizo zitamalizana kwa mchezo wa pili wamarudiano utakaopigwa Jijini Cairo nchini Misri.
.
.
.
#MwananchiScoop
#BurudikaNasi